విశాఖ మేయర్ కుర్చీ కోసం ముగ్గురు మాజీ వైసీపీ ఎమ్మెల్యేల మధ్య పోరు....!

Date : 09 October 2026 06:33 PM Views : 101

విశ్వాస్ టీవీ - ఆంధ్రప్రదేశ్ / విశాకపట్నం జిల్లా : విశాఖ మేయర్ పీఠం చుట్టూ రాజకీయ సమీకరణాలు వేగంగా మారుతున్నాయా..? వైసీపీ వర్గాల్లో మేయర్ అభ్యర్థిత్వంపై ఇప్పటికే పలువురు నేతల పేర్లు చర్చకు వస్తున్నట్లు సమాచారం.అందులో ప్రధానంగా వినిపిస్తున్న పేర్లు...వాసుపల్లి గణేష్ కుమార్...తైనాల విజయ్ కుమార్...తిప్పల గురుమూర్తి రెడ్డి.వాసుపల్లి గణేష్ కుమార్...వాడ బలిజి సామాజిక వర్గానికి చెందిన వాసుపల్లి గణేష్ కుమార్...2019లో టీడీపీ తరఫున విశాఖ దక్షిణ నియోజకవర్గం నుంచి ఎమ్మెల్యేగా గెలిచారు.ఆ తర్వాత వైసీపీ వైపు వెళ్లారు. 2024 ఎన్నికల్లో వైసీపీ తరఫున పోటీ చేసి ఓటమి చెందారు. ప్రస్తుతం వైసీపీ విశాఖ దక్షిణ నియోజకవర్గ సమన్వయకర్తగా వ్యవహరిస్తున్నట్లు ఇటీవలి నివేదికలు పేర్కొంటున్నాయి. టీడీపీలో ఉన్న అనుభవం...వైసీపీలో పనిచేసిన అనుభవం...విశాఖ రాజకీయాల్లో పరిచయాలు...ఇవన్నీ తనకు కలిసి వచ్చే అంశాలుగా పార్టీ వర్గాలు భావిస్తున్నట్లు సమాచారం.అంతేకాదు...కూటమి నేతలతోనూ, వైసీపీ నేతలతోనూ ఉన్న రాజకీయ పరిచయాలు మేయర్ ఎంపికలో ప్లస్ పాయింట్ అవుతాయనే చర్చ కూడా జరుగుతోంది. తైనాల విజయ్ కుమార్...ఇక మరో కీలకమైన పేరు...తైనాల విజయ్ కుమార్.వెలమ సామాజిక వర్గానికి చెందిన తైనాల విజయ్ కుమార్... మాజీ కార్పొరేటర్‌గా, మాజీ ఎమ్మెల్యేగా పనిచేశారు.సౌమ్యుడిగా...విజ్ఞుడిగా...రాజకీయ అనుభవం ఉన్న నేతగా... విశాఖ నగర రాజకీయాల్లో ఆయనకు ఉన్న పరిచయాలు కూడా మేయర్ రేసులో కలిసి వచ్చే అంశంగా పార్టీ వర్గాలు అంచనా వేస్తున్నట్లు సమాచారం. వైసీపీ కార్యక్రమాల్లో వాసుపల్లి గణేష్ కుమార్‌తో పాటు తైనాల విజయ్ కుమార్ కూడా పాల్గొంటున్నట్లు పార్టీ వేదికల ద్వారా తెలుస్తోంది. దీంతో...బీసీ సామాజిక వర్గం నుంచి వాసుపల్లి...వెలమ సామాజిక వర్గం నుంచి తైనాల...ఇద్దరి పేర్లు ప్రధానంగా చర్చలో ఉన్నట్లు సమాచారం.తిప్పల గురుమూర్తి రెడ్డి...ఇక వైసీపీలో మరో కీలకమైన పేరు...తిప్పల గురుమూర్తి రెడ్డి.మాజీ మున్సిపల్ చైర్మన్‌గా...మాజీ ఎమ్మెల్యేగా...విశాఖ రాజకీయాల్లో తనకంటూ పరిచయాలు ఉన్న నేతగా గురుమూర్తి రెడ్డి పేరు కూడా మేయర్ రేసులో వినిపిస్తున్నట్లు సమాచారం.పెందుర్తి...గాజువాక..విశాఖ సిటీ...ఈ ప్రాంతాల్లో రాజకీయ పరిచయాలు, అనుచర వర్గం ఉండటం తనకు కలిసి వచ్చే అంశాలుగా వైసీపీ వర్గాల్లో చర్చ జరుగుతున్నట్లు తెలుస్తోంది.కూటమి లెక్కలే వైసీపీ లెక్కలకు కీలకమా..?ఇక అసలు ఆసక్తికరమైన అంశం...కూటమి నుంచి మేయర్ అభ్యర్థిగా ఎవరిని ముందుకు తీసుకొస్తారనే అంశం.టీడీపీ నుంచి గండి బాబ్జి పేరు కూడా గతంలో మేయర్ అభ్యర్థిత్వ చర్చల్లో ప్రముఖంగా వినిపించింది.కూటమి సామాజిక సమీకరణాలు...మేయర్ అభ్యర్థి ఎంపిక...కార్పొరేటర్ల మద్దతు...ఇవన్నీ బట్టి వైసీపీ కూడా తన వ్యూహాన్ని ఖరారు చేయాలని భావిస్తున్నట్లు సమాచారం.అదే జరిగితే...కూటమి నుంచి ఏ సామాజిక వర్గానికి చెందిన నేతను రంగంలోకి దింపుతారో... అదే సామాజిక సమీకరణాన్ని దృష్టిలో పెట్టుకుని వైసీపీ కూడా తన అభ్యర్థిని ఎంపిక చేసే అవకాశం ఉందనే చర్చ జరుగుతోంది.ముగ్గురూ మాజీ ఎమ్మెల్యేలే... కానీ మేయర్ ఒక్కరే..!ఒకరు...వాసుపల్లి గణేష్ కుమార్.మరొకరు...తైనాల విజయ్ కుమార్.ఇంకొకరు...తిప్పల గురుమూర్తి రెడ్డి.ముగ్గురికీ రాజకీయ అనుభవం ఉంది... ముగ్గురికీ విశాఖతో అనుబంధం ఉంది... ముగ్గురికీ తమ తమ సామాజిక, రాజకీయ బలాలు ఉన్నాయి. కానీ...మేయర్ పీఠం మాత్రం ఒక్కటే..! మరి..బీసీ కోటా లెక్కలు పనిచేస్తాయా..? రాజకీయ అనుభవం పనిచేస్తుందా..? సామాజిక సమీకరణాలు కీలకమవుతాయా..? లేక కూటమి అభ్యర్థిని బట్టి వైసీపీ తన నిర్ణయాన్ని మార్చుకుంటుందా..? విశాఖ మేయర్ పీఠం కోసం వైసీపీలో వినిపిస్తున్న ఈ మూడు పేర్లలో... ఎవరికి అధిష్టానం గ్రీన్ సిగ్నల్ ఇస్తుంది..? ఎవరి పేరు తెరపైకి వస్తుంది..? విశాఖ మేయర్ కుర్చీ ఎవరికి దక్కుతుంది..? ఇప్పుడు ఇదే విశాఖ రాజకీయాల్లో హాట్ టాపిక్‌గా మారింది

విశాఖ మేయర్ కుర్చీ కోసం ముగ్గురు మాజీ వైసీపీ ఎమ్మెల్యేల మధ్య పోరు....!

లోకల్ యాడ్స్

మరిన్ని వార్తలు